वाटते असे करावे..

वाटते;

जगाच्या या वाटेवर, नित्य असावे असे

माधवाच्या मुकुटावर, पिस असावे जसे.

वाटते;

आक्रोश या जगताचा, सामावून घ्यावा मनात

गंध त्या कारुण्याचा,  विरून जावा क्षणात

वाटते;

सागराएवढा संयम वाटून, वाऱ्यामध्ये प्रेम भरून

काम,क्रोध,मत्सर मारून, टाकावे दुःख सारून.

वाटते;

विश्वासघाताचा,द्वेषाचा, अंश नुरावा काही

प्रेमाशिवाय न कोणाचा, स्पर्श अंतरी राही.

वाटते;

प्रार्थावे त्या ईश्वरास, हेच मागण्यासाठी

घालवू दे हे जीवन, फक्त मानव सेवेसाठी.

                          - वियुष साकरकार